Ռուսաստանի առաջնորդ Վլադիմիր Պուտինը հայտարարել է, որ Ռուսաստանում մասնակի մոբիլիզացիայի շրջանակներում զորակոչն ավարտվել է։
«Այո, իհարկե, դա արվել է իմ հրամանագրով, քանի որ այլ կերպ օրենքով հնարավոր չէ, դա արվել է ՊՆ-ի առաջարկով, և այժմ ՊՆ-ն առաջարկել է ավարտին հասցնել մոբիլիզացիոն գործունեությունը… Ես կխոսեմ իրավաբանների հետ, արդյոք անհրաժեշտ է հրամանագրով հայտարարել, որ այն ավարտված է, բայց ավարտված է։ Վերջը դրված է»,- ասել է նա։
Ավելի վաղ պաշտպանության նախարար Սերգեյ Շոյգուն Պուտինին զեկուցել էր Ռուսաստանի բոլոր շրջաններում մոբիլիզացիայի ավարտի մասին։ 300 հազար մարդ զորակոչելու խնդիրն ավարտվել է. 82 հազարը ուղարկվել է հատուկ գործողության տարածք, մնացած 218 հազարը վերապատրաստվում են ուսումնամարզական հավաքներում։ Շոյգուն նաև նշել է, որ մոբիլիզացվածների թվում գործադիր իշխանությունների 1300 աշխատակից կա։