ԱՄՆ Պետդեպարտամենտը պնդում է, որ Սևծովյան նավատորմի նավերի վրա հարձակումը չի կարող հիմք հանդիսանալ հացահատիկի գործարքին Ռուսաստանի մասնակցությունը կասեցնելու համար։ Այս մասին գրում է ТАСС-ը՝ հղում տալով ԱՄՆ արտաքին քաղաքական գերատեսչության մամուլի ծառայության ղեկավար Նեդ Փրայսը:
«Մեր տեսանկյունից և ամբողջ աշխարհի երկրների տեսանկյունից դա (նավերի վրա հարձակումը) չի կարող արդարացում լինել: Ինչ փաստարկներ էլ բերի Ռուսաստանը, հաշվի չի առնում, որ դա արգելափակում է, դժվարացնում հացահատիկի առաքումն աշխարհի այն երկրներ, որոնք դրա խիստ կարիքն ունեն»,- ասել է Փրայսը։
ՌԴ ՊՆ-ն նախօրեին հայտարարել է հացահատիկի գործարքին մասնակցությունը կասեցնելու մասին։ Համապատասխան հանձնարարականներն արդեն ստացել են Ստամբուլի Համատեղ կոորդինացիոն կենտրոնում աշխատող ռուս մասնագետները, որտեղ ընթանում է ուկրաինական սննդամթերքի տեղափոխման վերահսկման գործընթացը։