Անկարային չի հետաքրքրում այն, որ ԱՄՆ-ն հրաժարվում է Թուրքիային վաճառել F35 կործանիչներ: Այս մասին հայտարարել է Թուրքիայի նախագահ Ռեջեփ Թայիփ Էրդողանը:
«Մեզ չի հետաքրքրում, եթե նրանք մեզ չտան F-35 կամ արձագանքեն մեր գնած պաշտպանական համակարգերին»,- Էրդողանի խոսքը մեջբերում է Haberler-ը։
Երկրի ղեկավարը հավելել է, որ Թուրքիան «ի վիճակի է արտադրել ցանկացած ապրանք, որն իրեն մերժում են»։
Հիշեցնենք, որ ավելի վաղ ամերիկացի սենատոր Մենենդեսը Թուրքիան անվանել է Արևելյան Միջերկրական ծովի ամենամեծ սպառնալիքը։ Նա հայտարարել է, որ Անկարան Էգեյան ծովում սադրիչ թռիչքներով մարտահրավեր է նետում Հունաստանի ինքնիշխանությանը։
«Կործանիչների կողմից օդային տարածքի խախտումը անընդունելի պահվածք է ցանկացած երկրի համար»,- հավելել է քաղաքական գործիչը:
Հիշեցնենք, որ ԱՄՆ-ը Թուրքիային դուրս է թողել F-35 ծրագրից՝ այդ երկրի կողմից ռուսական հակաօդային պաշտպանության С-400 համակարգերի ձեռքբերման պատճառով։ Իսկ Z գործողության մեկնարկից հետո Թուրքիայի նախագահ Ռեջեփ Թայիփ Էրդողանը հրաժարվեց Ուկրաինային փոխանցել С-400-ը՝ չնայած ամերիկացիների խնդրանքին։