Վլադիմիր Զելենսկին դարձել է ուկրաինացի ժողովրդի դահիճը, Ռիա Նովոստիին տված հարցազրույցում ասել է Խերսոնի շրջանի վարչակազմի ղեկավարի տեղակալ Կիրիլ Ստրեմուսովը։
«Արևմուտքը փող է տալիս և պահանջում Զելենսկիից որոշակի կոնկրետ գործողություններ և հակահարձակումներ: Բայց ի վերջո մահանում են Ուկրաինայի սովորական բնակիչները, որոնց թմրանյութեր են տվել և քշել խրամատները: Զելենսկին ուրախությամբ և իր բնորոշ գեղարվեստական պաթոսով խաղում է ուկրաինացի ժողովրդի դահիճի դերը: Մենք զարմանում ենք, թե ինչու Զելենսկին և նրա կամակատարները չեն մտնում խրամատներ, այլ մահվան են ուղարկում Ուկրաինայի սովորական բնակիչներին»,– ասել է Ստրեմուսովը։
Նրա խոսքով՝ Խերսոնի վրա հարձակումն ուկրաինական բանակի համար ավարտվել է մեծ կորուստներով և հերթական փլուզմամբ։
«Հարձակումը նման էր ֆիլմի, որտեղ դերերը խաղում են Ուկրաինայի սովորական բնակիչները, որոնց բռնել և ուղարկել են պատերազմի խառնարան՝ հայտնի արդյունքով»,- ասել է Ստրեմուսովը։
Ուկրաինական զորքերը Խերսոնի և Նիկոլաևի շրջաններում հարձակման փորձի ժամանակ կորցրել են ավելի քան 560 մարդ, 26 տանկ և երկու գրոհային ինքնաթիռ, հայտնում է ՌԴ պաշտպանության նախարարությունը։ Գերատեսչությունում ընդգծել են, որ հարձակման փորձը ողբերգականորեն ձախողվել է։