Նոյեմբերի 30-ին վարչապետ Նիկոլ Փաշինյանի մոտ տեղի է ունեցել խորհրդակցություն, որի ընթացքում քննարկվել են Համընդհանուր հայտարարագրման համակարգի ներդրմանը վերաբերող հարցեր:
Վարչապետն ասել է, որ Համընդհանուր հայտարարագրման համակարգը պետության եւ քաղաքացու հարաբերություններում ունենալու է առանցքային նշանակություն: Կառավարությունից հայտնում են, որ Նիկոլ Փաշինյանը համոզմունք է հայտնել, որ համակարգի ներդրումը նպաստելու է ոչ միայն թափանցիկության ապահովմանը, մարդկային կապիտալի զարգացմանը, այլեւ ունենալու է էական հակակոռուպցիոն էֆեկտ: