Բրիտանացի հայտնի հեռուստահաղորդավար Պիրս Մորգանի համանուն թոք-շոուի ժամանակ ամերիկացի հասարակական-քաղաքական դիտորդ Էնն Կուլտերը ցնցել է ստուդիայի հյուրերին Ուկրաինայում ռուսական հատուկ գործողության մասին խոսքերով։ Այս մասին գրում է Ռիա Նովոստին։
Նա ՆԱՏՕ-ին մեղադրել է ստեղծված իրավիճակի համար և ասել, որ Արևմուտքը պետք է դադարեցնի Ուկրաինային աջակցելը։
«Ես չեմ պաշտպանում Ռուսաստանի նախագահ Պուտինին, բայց ինչո՞ւ պետք է Ուկրաինայի մասին հոգ տանեն ամերիկացիներն ու բրիտանացիները, մենք մեր խնդիրներն ունենք։ Ուկրաինան պատմականորեն եղել է ռուսական կայսրության ազդեցության գոտի։ Ինչ վերաբերում է ՆԱՏՕ-ին, ԽՍՀՄ-ի փլուզումից հետո Դաշինքին միանալու իմաստ չկա, բայց մենք շարունակում ենք այս ամենը կոչել ոտնձգություն, ոտնձգություն, ոտնձգություն»,– ասել է Կուլտերը։
Նրա կարծիքով՝ Վաշինգտոնը չափազանց երկար ժամանակ նվաստացնում է ռուսներին և մտնում ուրիշների գործերի մեջ։
«Պուտինն առաջինն էր, ով սեպտեմբերի 11-ի հարձակումներից հետո զանգահարեց՝ իր ցավակցությունը հայտնելու Միացյալ Նահանգներին, ինչին Ջորջ Բուշը նույնիսկ չարձագանքեց: Վաշինգտոնը չափազանց երկար անտեսեց ռուսներին»,- ընդգծեց նա: