Միացյալ Նահանգների Կոնգրեսի հանրապետականները մտադիր են օրինագիծ ներկայացնել՝ «Լենդ լիզ», որով առաջարկում են նախագահին տալ Թայվանին զենք և տեխնիկա տրամադրելու լիազորություն, -հայտնում է Fox News-ը։
«Թայվանը պետք է իմանա, որ Միացյալ Նահանգները կաջակցի իրեն պաշտպանական մատակարարումներով, այդ թվում՝ սպառազինությամբ և տեխնիկայով, անկախ նրանից, թե ինչ է ասում Չինաստանի կոմունիստական կուսակցությունը», – ասել է սենատոր Բլեքբերնը:
Հիշեցնենք, որ մայիսին նախագահ Բայդենը ստորագրեց Ուկրաինային զենք մատակարարելու մասին օրինագիծը:
«Լենդ լիզ» ծրագիրը Միացյալ Նահանգների կողմից կիրառվել է Երկրորդ համաշխարհային պատերազմի ժամանակ, նացիստական Գերմանիայի դեմ պայքարում ներգրավված երկրներին աջակցելու համար: «Լենդ լիզի» ակտը հաստատվել է Միացյալ Նահանգների Կոնգրեսի կողմից 1941 թվականին և ստորագրվել նախագահ Ռուզվելտի կողմից։ «Լենդ լիզի» միջոցով ԱՄՆ-ը կարողացավ օգնություն տրամադրել նացիստական Գերմանիայի դեմ պայքարում ներգրավված երկրներին՝ առանց բարդ բյուրոկրատական խոչընդոտների: