Գերմանիայի պետական պարտքը 2021 թվականի արդյունքներով հասել է պատմական առավելագույնին՝ կազմելով €2,32 տրիլիոն, հաղորդում է Gazeta.ru-ն՝ վկայակոչելով Գերմանիայի վիճակագրական գերատեսչության մամուլի ծառայությունը։

«Պետական պարտքը 2021 թվականին նախորդ տարվա արդյունքների համեմատ աճել է 6,8%-ով (կամ €148,3 միլիարդով)՝ հասնելով վիճակագրության պատմության ամենաբարձր մակարդակին»,- ասված է հաղորդագրության մեջ։

Պետական պարտքի աճը վիճակագրական ծառայությունը բացատրել է կորոնավիրուսային սահմանափակումներով եւ համավարակի ժամանակ բնակչությանն աջակցելու միջոցներով։

Հուլիսի կեսին Redaktionsnetzwerk Deutschland (RND) պարբերականը՝ վկայակոչելով երկրի ֆինանսների նախարարության 2023 թվականի բյուջեին վերաբերող փաստաթղթերը, գրել էր, որ հաջորդ տարի պետական պարտքի տոկոսների վճարման համար Գերմանիայի ծախսերը €16 միլիարդից կաճեն մինչեւ գրեթե €30 միլիարդ։