Եվրասիական զարգացման բանկը (ԵԱԶԲ) եւ Dar Al Sharia խորհրդատվական ընկերությունը համաձայնագիր են ստորագրել ԵԱԶԲ-ում իսլամական ֆինանսավորման սկզբունքներն ու չափորոշիչները ներդնելու վերաբերյալ։
Dar Al Sharia-ն հիմնադրվել էր 2007 թվականին Dubai Islamic Bank-ի կողմից:
ԵԱԶԲ անդամ երկրների տնտեսություններում նախագծերի վարկավորման ավանդական գործիքները (ներդրումների եւ նախագծերի ֆինանսավորման տեսքով) կազմում են բանկի պորտֆելի հիմնական մասը (ավելի քան 80%):
Կենտրոնական Ասիայի տարածաշրջանի բոլոր երկրներում կառավարությունները հատուկ ուշադրություն են դարձնում իսլամական ֆինանսավորման զարգացմանը։ Մի շարք երկրներ ընդունել են համապատասխան օրենսդրություն, որը հնարավորություն է տվել ձեւավորել իսլամական ֆինանսների այնպիսի հատվածներ, ինչպիսիք են բանկայինը եւ լիզինգայինը։