2022 թվականին ֆինանսական հատվածում արտահոսքերը կտրուկ ավելացել են ՝ դրանց թիվն աճել է 1,7 անգամ, գրում է «Коммерсантъ»-ը՝ վկայակոչելով InfoWatch-ի հետազոտությունը։ Ընդ որում, գողացված անձնական տվյալների ծավալն աճել է միանգամից 32 անգամ։ Արտահոսքերի մեծ մասը գալիս են ոչ թե բանկերից, այլ ներդրումային ընկերություններից, վճարային ծառայություններից և կրիպտոփոխանակություններից:
InfoWatch-ը պարզաբանել է, որ նման դինամիկան կապված է մի քանի խոշոր կիբերհարձակումների հետ։ Միևնույն ժամանակ, RTM Group-ի մենեջեր Եվգենի Ցարևը կարծում է, որ միջադեպերի թիվն իրականում չի ավելացել, նրա կարծիքով փաստն այն է, որ վերջին վիճակագրությունը դրանք ավելի լիարժեք է հաշվի առել:
Հետազոտողները նաև նկատել են՝ կոմերցիոն գաղտնիք պարունակող տեղեկատվության մասնաբաժինը կտրուկ աճել է՝ գրեթե զրոյից մինչև 13 %։ Բացի դրանից, արտաքին ներխուժողների (հիմնականում հաքերների) պատճառով առաջացած արտահոսքն աճել է երեք անգամ՝ 21 %-ից հասնելով 75 %-ի։
«Արտաքին հարձակվողները գնալով ավելի հաճախ են հանցավոր կապի մեջ մտնում ընկերությունների աշխատակիցների հետ՝ դրդելով նրանց գողանալ սև շուկայում պահանջարկ ունեցող տեղեկատվությունը կամ կոտրել կորպորատիվ ցանցերը իրենց օգնությամբ», — ասվում է հետազոտության մեջ:
Փորձագետներն արտահոսքի հաճախականության նվազում չեն ակնկալում։ Հանրային արտահոսքի հետազոտական խմբի և IM Group-IB-ի կրտսեր վերլուծաբան Սեմյոն Բոտալովն ասել է, որ դրական դինամիկա չի սպասվում «աշխարհում տիրող իրավիճակի և ընկերության ակտիվների անբավարար պաշտպանության պատճառով»: Եվգենի Ցարևը վստահ է, որ անձնական տվյալների գողությունը կասեցնելու համար անհրաժեշտ է կառուցել դրանց խոշոր սեփականատերերի կարգավորման համակարգ։
Անցյալ տարի «Ռոսկոմնադզոր»-ը հաշվել է անձնական տվյալների շուրջ 150 խոշոր արտահոսք՝ բիզնեսի տարբեր հատվածներում: Կենտրոնական բանկի տվյալներով՝ հարձակվողները բանկային հաշիվներից գողացել են ավելի քան 14 միլիարդ ռուբլի։ Կարգավորողը նաև հայտնել է, որ Ռուսաստանում խարդախ կազմակերպությունների թիվն աճել է 85 %-ով։