Արցախի պետական նախարար Ռուբեն Վարդանյանն այսօր ասել է, որ «իրավիճակը ծանր է, կան խնդիրներ սննդի եւ վառելիքի հետ»:
Նա արցախցիներին կոչ է արել հավատալ, որ իշխանություններն անում են ամեն հնարավորը, որպեսզի լուծումներ գտնեն եւ դուրս գան Ադրբեջանի կազմակերպած շրջափակումից:
«Սակայն այդ լուծումները չպիտի արվեն մեր արժանապատվությունը կորցնելու հաշվին: Մենք չպետք է գնանք այնպիսի քայլերի, որոնք կարող են ապագայում վտանգել հանգիստ ապրելու մեր իրավունքը», – ասել է Ռուբեն Վարդանյանը: