Deutsche Bank-ը եւ NVIDIA-ն հայտարարել են նորարարական համագործակցության մեկնարկի մասին՝ արհեստական բանականության (AI/ԱԲ) տեխնոլոգիաների կիրառությամբ ֆինանսական ծառայությունների ոլորտը զարգացնելու համար:
Գործակցության առաջնահերթ ուղղություններն են. ռիսկերի մոդելի մշակումը, բարձր արդյունավետությամբ հաշվողական գործողությունները եւ ֆիրմային վիրտուալ ավատարի ստեղծումը:
«Deutsche Bank»-ի հետ միասին մենք արդիականացնում եւ վերաիմաստավորում ենք ֆինանսական ծառայությունների մատուցման եղանակը», – ասել է NVIDIA-ի հիմնադիր եւ գործադիր տնօրեն Ջենսեն Հուանգը:
McKinsey-ի գնահատմամբ, արհեստական բանականության տեխնոլոգիաները կարող են տարեկան մինչեւ 1 տրիլիոն դոլար լրացուցիչ եկամուտ բերել գլոբալ բանկային համակարգին: