Թեհրանում Գերմանիայի դեսպան Հանս-Ուդո Մուցելին կանչել են Իրանի արտաքին գործերի նախարարություն՝ կանցլեր Օլաֆ Շոլցի հայտարարությունների պատճառով: Տեղեկատվությունը փոխանցում է IRNA-ն:
Իրանի ԱԳՆ Արևմտյան Եվրոպայի դեպարտամենտի տնօրենն ընդգծել է Իրանի վճռական բողոքը՝ «երկրի ներքաղաքական իրադարձությունների նկատմամբ Բեռլինի հակաարդյունավետ մոտեցման նկատմամբ»: Նրա խոսքով՝ Թեհրանի և Բեռլինի միջև երկկողմ հարաբերությունների ապագայի վրա նման դիտողությունների ազդեցության պատասխանատվությունը կրում է գերմանական կողմը: Դեսպանին է հանձնվել նաև իրանական կողմի բողոքի պաշտոնական նամակը։
Հիշեցնենք` Օլաֆ Շոլցը քննադատել է Իրանի ղեկավարությանը՝ ցուցարարների նկատմամբ գործողությունների պատճառով:
«Յուրաքանչյուր ոք, ով կրակում է իր քաղաքացիների վրա, պետք է սպասի մեր դիմադրությանը»,- ասել էր կանցլերը։