Կադրային այս փոխատեղումները վկայում են, որ իշխող «Քաղաքացիական պայմանագիրը» կադրերի լրջագույն խնդիր ունի:
«Ժողովուրդ» օրաթերթի տեղեկություններով` ՀՀ փոխարչապետի թափուր մնացած աթոռն առաջիկայում կզբաղեցնի վարչապետի աշխատակազմի ղեկավար, կրթության, գիտության, մշակույթի ու սպորտի նախկին նախարար Արայիկ Հարությունյանը։
««Ժողովուրդ» օրաթերթի՝ ՔՊ-ին մոտ կանգնած աղբյուրները հայտնում են, որ թեկնածուի փնտրտուքը երկար չի տևել, ու վարչապետ Նիկոլ Փաշինյանը կանգ է առել վարչապետի աշխատակազմի ղեկավար Արայիկ Հարությունյանի վրա»,– գրում է թերթը։Թերթի մեկնաբանմամբ` կադրային այս փոխատեղումները վկայում են, որ իշխող «Քաղաքացիական պայմանագիրը» կադրերի լրջագույն խնդիր ունի:
Հիշեցնենք` նոյեմբերի 15–ին վարչապետ Փաշինյանի առաջարկով ՀՀ նախագահ Արմեն Սարգսյանը պաշտոնից ազատեց ՀՀ ՊՆ Արշակ Կարապետյանին։Նրա փոխարեն նախարար նշանակվեց նախկին փոխվարչապետ Սուրեն Պապիկյանը։