Մենք մեր ծրագրում արձանագրել ենք, որ ազատ տնտեսական մրցակցությունը, տնտեսական ազատ գործունեությունը հնարավորությունը կարեւորագույն գործոններից մեկն է, որ պետք է ապահովի երկրի զարգացումը: Այս մասին այսօր՝ հոկտեմբերի 29-ին, «Քաղաքացիական պայմանագիր» կուսակցության համագումարի իր ելույթում հայտարարեց ՀՀ վարչապետ Նիկոլ Փաշինյանը:
«Մենք խոստացել ենք, որ շատ արագ ՀՀ բյուջեի եկամուտները 1-2 տարվա ընթացքում կբարձրացնենք 35-40 տոկոսով: Այդ խոստումն ի կատար է ածված: Մենք 2022-ի արդյունքներով 2018-ի նկատմամբ բյուջեւի եկամտային մասն ավելցնում ենք շուրջ 578 մլրդ դրամով, որը շուրջ 43 տոկոս է: Սա մոտ 1-1,5 մլրդ դոլարի մոտեցող գումար է: Տնտեսական ազատության վարկանիշով Հայաստանը աշխարհում 141-րդ տեղն է զբաղեցնում:
Այսօր դուք տեսնում եք, որ մեր երկիրը գտնվում է տնտեսական երկնիշ աճի փուլում: Ասում են՝ կառավարությունը չէ հեղինակը տնտեսական աճի: Սա իրականում կոմպլիմենտ է, որովհետեւ մեր կառավարության թիվ մեկ խնդիրն է եղել չխանգարել տնտեսությանը զարգանալու եւ աճելու ճանապարհին: Մենք հավատարիմ ենք մնացել այդ գծին: ՀՀ-ում չկան մենաշնորհներ, չկան արտահանման եւ ներմուծման քվոտաներ եւ սա փաստ է: Մեր մեծագույն խնդիրը հնարավորություններ ստեղծելն է: Գործարարները պետք է օգտվեն այդ հնարավորություններից եւ այդ փաստն ի կատար է ածված»,-հայտարարեց Փաշինյանը: