Վաղը առաջին դասարան գնացող մեր երեխաները կդառնան նաև հանրակրթության նոր պետական չափորոշչով մեր առաջին շրջանավարտները, քանի որ նոր չափորոշչի ներդրումը կսկսվի մյուս ուսումնական տարվանից՝ երկրորդ դասարանում, ֆեյսբուքյան իր էջում գրել է ԿԳՄՍ նախարարի տեղակալ Ժաննա Անդրեասյանը:
«Սա իրոք մեծ պատասխանատվություն է մեր, և մեծ հնարավորություն՝ մեր երեխաների համար։
Ճիշտ օգտագործենք պատասխանատվությունն ու հնարավորությունը»,-գրել է փոխնախարարը։
Հիշեցնենք, որ ավելի վաղ սեպտեմբերի 1-ի առթիվ հայտարարությամբ էր հանդես եկել ՀՀ ոստիկանության պարեկային ծառայության պետ Արթուր Ումրշատյանը:
«Ոստիկանության պարեկային ծառայությունը հասարակական կարգի պահպանության և ճանապարհային երթևեկության անվտանգության ապահովման ուժեղացված ծառայություն է իրականացնելու մայրաքաղաքի ու մարզերի դպրոցամերձ տարածքներում ու փողոցներում: Նպատակը մեկն է՝ ապահովել երեխաների անվտանգությունը»,- նշվում էր հայտարարությունում: