Կոռուպցիայի կանխարգելման հանձնաժողովի կայքից անհետացել են ՀՀ պաշտոնյաների ունեցվածքի մասին ներկայացված տեղեկությունները։
«Տվյալներ չկան»,- նշված է հանձնաժողովի կայքում տեղադրված բոլոր տարիների բոլոր պաշտոնյաների հայտարարագրերում։
ԿԿՀ Կրթական,հանրային իրազեկվածության վարչությունից Banksnews.am-ին հայտնեցին, որ տեխնիկական խնդիր է ու առայժմ մասնամասնել չեն կարող։
Հանձնաժողովի հայտարարագրման վարչությունից էլ հերքեցին, որ հայտարարագրերում տեղեկությունները բացակայում են, ապա նշեցին, որ հնարավոր է՝ կայքի ծանրաբեռնվածությունից է խնդիր առաջացել։