Եվրամիությունը դատապարտել է զինված հարձակումները Սիրիայի ժամանակավոր կառավարության անվտանգության ուժերի վրա։ Այս մասին հայտնում է Gazeta-ն։
Բրյուսելը Սիրիայում հարձակումները վերագրել է «ասադամետ տարրերին» և խստորեն դատապարտել դրանք։
ԵՄ-ն նաև դատապարտել է Սիրիայում խաղաղ բնակիչների նկատմամբ հալածանքները՝ նշելով, որ նրանք պետք է մշտապես պաշտպանված լինեն:
Բրյուսելը նաև կոչ է արել արտաքին ուժերին հարգել Սիրիայի ինքնիշխանությունն ու տարածքային ամբողջականությունը։