Բելգիական F-16 կործանիչների առաջին խմբաքանակի մատակարարումն Ուկրաինա հետաձգվել է մինչև 2025 թվականի վերջ։ Այս մասին Soir-ին տված հարցազրույցում հայտարարել է Բելգիայի Գլխավոր շտաբի պետ, ռազմաօդային ուժերի գեներալ Ֆրեդերիկ Վանսինան։

«Մենք հուսով ենք, որ մինչև այս տարվա վերջ կսկսենք առաջին ինքնաթիռի մատակարարումն Ուկրաինա»,- ասել է Վանսինան։

Նրա խոսքով՝ հետաձգումը կապված է այն բանի հետ, որ ԱՄՆ-ը հետաձգում է խոստացված F-35 ինքնաթիռների մատակարարումը Բելգիա, որը ներկայումս նախատեսված է 2025 թվականի վերջին։

Փետրվարի 6-ին հաղորդվել էր, որ Ուկրաինան Նիդեռլանդներից ստացել է F-16 կործանիչներ։ Նրանցից բացի, ուկրաինացի ազգայնականներին հասանելի են եղել նաև ֆրանսիական Mirage 2000 կործանիչները։