Կոսովսկա Միտրովիցա քաղաքում, որը բնակեցված է հիմնականում սերբերով, ահազանգեր եւ կրակոցներ են լսվում։ Այս մասին հայտնում է Kosov online պորտալը։
Լրատվամիջոցների տեղեկություններով՝ սերբական բանակը բերվել է բարձր պատրաստականության եւ բարիկադներ է կառուցում Կոսովոյի հետ սահմանին, իսկ Կոսովոյի հատուկ ջոկատայինները փակում են սահմանը։
Kosov online-ը հայտնում է, որ քաղաքաբնակները բարիկադներ են տեղադրել Զուբին Պոտոկ գյուղի մոտ։ Կոսովսկա Միտրովիցայից հյուսիս-արեիմուտք գտնվող Զուպչե քաղաքում բեռնատարը փակել է գլխավոր ճանապարհը։ Տեղեկություններ կան նաեւ Յարինջեի անցակետում սերբ զոհերի մասին:
Օգոստոսի 1-ից Կոսովոյի իշխանությունները մտադիր են արգելել սերբական փաստաթղթեր ունեցողների մուտքը երկիր։ Այս մարդկանց կտրվի ժամանակավոր վկայական։ Միաժամանակ կսկսվի սերբական համարներով մեքենաների պարտադիր վերագրանցումը։
Սերբիայի նախագահ Ալեքսանդր Վուչիչը հուլիսի 31-ին հայտարարել է, որ Կոսովոյի ոստիկանությունը կեսգիշերին ռազմական գործողություններ է սկսելու տարածաշրջանի հյուսիսում բնակվող սերբերի դեմ, գրել է Коммерсант-ը։