Թուրքմենա-ճապոնական գործարար համաժողովը փոքր ու միջին բիզնեսի ներկայացուցիչների մասնակցությամբ նախատեսվում է անցկացնել մարտի 27-ին Տոկիոյում։ Այս մասին հայտարարել է Բատիր Աթդաևը:

Աթդաևը կառավարության նիստի ժամանակ ասել է, որ ֆորումի ընթացքում կդիտարկվեն երկկողմ համագործակցության զարգացման հնարավորությունները ներդրումների, արդյունաբերության, տրանսպորտի և լոգիստիկայի ոլորտներում, ինչպես նաև մասնավոր հատվածում։ Նախատեսվում է նաև Ճապոնիայում կայանալիք EXPO 2025 համաշխարհային ցուցահանդեսում Թուրքմենստանի ազգային տաղավարի ստեղծման ուղղությամբ իրականացվող աշխատանքների շնորհանդեսը։

Թուրքմենստանի նախագահ Սերդար Բերդիմուհամեդովն ընդգծել է, որ արտաքին գործընկերների հետ առևտրատնտեսական հարաբերությունների զարգացումը Թուրքմենստանի արտաքին քաղաքականության առաջնահերթ ուղղություններից է՝ նշելով երկրում և արտերկրում պարբերաբար անցկացվող ցուցահանդեսների, գործարար հանդիպումների և համաժողովների կարևորությունը համագործակցության ընդլայնման հնարավորությունը։ Երկրի ղեկավարը հանձնարարել է ապահովել գործարար համաժողովի կազմակերպչական բարձր մակարդակ։

Թուրքմենստանում 2022 թվականի վերջի դրությամբ գրանցվել է 38 ներդրումային ծրագիր՝ ճապոնական ընկերությունների մասնակցությամբ՝ 11 միլիարդ դոլարը գերազանցող ընդհանուր գումարով: