Աշխատանքի եւ սոցիալական հարցերի նախարարի տեղակալ Դավիթ Խաչատրյանն այսօր ասել է, որ կենսաթոշակի եւ նպաստի հետվճարի ծրագրով իրականացվող գործարքները շարունակում են աճել:
Նա կառավարության նիստի ժամանակ նշել է, որ հունվար ամսին ծրագրից օգտվել է 189 հազար շահառու, փետրվարին՝ 220 584.
«Աճը հունվարին կազմել է ավելի քան 30 հազար: Անկանխիկ շրջանառությունը հունվարին կազմել է 6 մլրդ դրամ, փետրվարին՝ 8,2 մլրդ դրամ, իսկ 2023 թ. դեկտեմբերին՝ 7,5 մլրդ դրամ: Ծրագրի մեկնարկից սկսած՝ կենսաթոշակային քարտերով գրանցվել է 84,5 մլրդ դրամ անկանխիկ շրջանառություն»:
2022 թվականի հուլիսի 1-ից սկսած բանկային քարտով առեւտուր անելու դեպքում թոշակառուները, նպաստառուները գնման 10%-ի չափով հետվճար են ստանում՝ մինչեւ 5000 դրամի չափով։