Արժույթի միջազգային հիմնադրամի (ԱՄՀ) գործադիր տնօրեն Քրիստալինա Գեորգիեւան ասել է, որ համաշխարհային տնտեսությունը կարող է բաժանվել մրցակից դաշինքների, եթե երկրների միջեւ վստահությունը նվազի եւ աշխարհաքաղաքական լարվածությունը շարունակի աճել:
Ինչպես հաղորդում է ՏԱՍՍ-ը՝ ելույթ ունենալով Քեմբրիջում՝ «Տնտեսական հնարավորություններ թոռներիս համար» ելույթով՝ Քրիստալինա Գեորգիեւան
ասել է.
«Տնտեսական անհավասարության բարձր մակարդակը կործանարար ազդեցություն ունի սոցիալական կապիտալի եւ վստահության վրա՝ պետական հաստատությունների, ընկերությունների, միմյանց նկատմամբ: Մենք տեսնում ենք, որ երկրների միջեւ եւս վստահությունը նվազում է, իսկ աշխարհաքաղաքական լարվածությունն աճում է»։
Ըստ ԱՄՀ-ի հետազոտությունների՝ միայն առեւտրի մասնատումը կարող է երկարաժամկետ հեռանկարում $ 7,4 տրիլիոնով նվազեցնել համաշխարհային արտադրանքը, ինչը համարժեք է Ֆրանսիայի եւ Գերմանիայի համախառն ՀՆԱ-ին:
Հիմնադրամի աշխատակիցները պատրաստել են առաջիկա 100 տարվա իրադարձությունների զարգացման երկու հնարավոր սցենար։
««Ցածր հավակնությունների սցենարի» դեպքում համաշխարհային ՀՆԱ-ն կաճի մոտ երեք անգամ, իսկ կենսամակարդակը կբարձրանա երկու անգամ՝ այսօրվա համեմատ: «Բարձր հավակնությունների սցենարով» համաշխարհային ՀՆԱ-ն կավելանա 13 անգամ, իսկ կենսամակարդակը` 9 անգամ»,- նշել է ԱՄՀ ղեկավարը։
Նա թվարկել է ներդրումների համար երեք առաջնահերթ ոլորտները՝ նոր կլիմայական տնտեսություն, հաջորդ արդյունաբերական հեղափոխություն եւ մարդիկ: