• 06.03.2021 02:05

Տարհանում Չորաթանո՞ւմ. Չորաթանցիները երդվել են զոհված հերոսներով. մանրամասներ

отadmin

Июл 13, 2020

Տավուշի մարզի Շամշադինի տարածաշրջանի Չորաթան գյուղում զանգվածային տարհանում չկա: Այս մասին Kommersant.am-ի հետ զրույցում ասաց Չորաթան գյուղի բնակչուհի Սոնա Մարալյանը:

«Մի քանի փոքր երեխաներ են միայն տեղափոխվել հարևան գյուղեր, դե փոքր են ու կրակոցի ձայնից վախ են ապրում, բայց ընդհանուր առմամբ չորաթանցի երեխաները սովոր են կրակոցներին: Մենք երբեք չենք լքի մեր գյուղը: Բոլորս էլ պատրաստ են կռվել հանուն մեր երկրի ու մեր պետականության : Այդպես պայքարել ենք երեսուն տարուց ավելի ու պայքարելու ենք»,-նշեց Սոնա Մարալյանը:

Չորաթան գյուղը ունի հերոսներ, ովքեր կյանքը դրել են հանուն հայրենիքի: Գյուղի դպրոցը անվանվել է հերոս Արթուր Ուդումյանի անունով: Ուսուցիչ Արթուրը, ով առաջին կամավորական ջոկատների հրամանատարն էր, զոհվեց 1993 թվականին: Արթուրի զոհված վայրում կա դիրք` Արթուրասարը:
Չորաթանցիները չեն թողնի, որ Արթուրի և մյուսների արյան գնով պահպանված հողի վրա որևէ ագրեսոր հարձակվի:

Արման Ուդումյանը զոհվեց հակառակորդի դիպուկահարի կրակոցից` 2015 թվականին: Նրա երեք զավակները չեն լքի գյուղը:

Հ. Գ Սա ամենափոքր պատումն է հերոսական գյուղի` Չորաթանի մասին: Ինքս սահմանամերձ այգիներում գյուղացիների հետ խաղող եմ քաղել` կրակահերթի տակ: Հիմա ասում եմ` հզոր եղիր Հայոց աշխարհի մի մասնիկ ու իմացիր, որ Հայաստանի տարբեր հատվածներից կամավորներ կգան ու թույլ չեն տա ոսոխին` մեր մանուկների աչքի գեթ մի կաթիլ արցունքի պատճառը դառնալ:

Լուսին Ղազարյան

Поделиться ссылкой:

Facebook Comments
(Visited 3 769 times, 1 visits today)

Добавить комментарий

Ваш адрес email не будет опубликован. Обязательные поля помечены *