Միացյալ Թագավորության զինված ուժերն առաջին անգամ հաջողությամբ փորձարկել է ուղղորդված էներգիայի ռադիոհաճախականության զենքը (RFDEW), որը Մեծ Բրիտանիայի պաշտպանության նախարարությունն անվանվում է «անօդաչու թռչող սարքը սպանող», ասվում է պաշտպանության նախարարության երկուշաբթի տարածած հաղորդագրության մեջ:
Այն կարող է ռադիոալիքների միջոցով ոչնչացնել անօդաչու թռչող սարքերի բազմությունը, RFDEW համակարգերը կարող են գրեթե ակնթարթորեն չեզոքացնել թիրախները մինչև մեկ կիլոմետր հեռավորությամբ:
Հստակեցվում է, որ զենքն օգտագործում է բարձր հաճախականության ալիքներ՝ անօդաչու թռչող սարքի էլեկտրոնային բաղադրիչներին կրիտիկական վնաս պատճառելու համար։ Ռադիոհաճախականության զենքերը կարող են օգտագործվել թիրախների դեմ ինչպես ցամաքում, այնպես էլ ծովում, ասվում է հաղորդագրության մեջ։
Այսպիսով, RFDEW-ը տարբերվում է ուղղորդված էներգիայի լազերային զենքերից, ինչպիսին է DragonFire-ը, որը կարող է օգտագործվել նաև անօդաչու թռչող սարքերի դեմ:
Հունվարին Մեծ Բրիտանիայի պաշտպանության նախարարությունը հայտարարել է DragonFire ուղղորդված էներգետիկ լազերային զենքի փորձարկումների մասին։ Գերատեսչությունը հայտնել է, որ համակարգը կարող է խոցել «ցանկացած տեսանելի թիրախ»: Ապրիլին Բրիտանիայի ռազմածովային ուժերը հայտնել էին, որ մինչև 2027 թվականը DragonFire համակարգն առաջին անգամ կտեղադրվի նավի վրա։