Tesla-ն մի քանի միլիարդ դոլար կներդնի Մեքսիկայում ձեռնարկություն հիմնելու համար։
ՏԱՍՍ-ի փոխանցմամբ՝ այս մասին El Milenio հեռուստաալիքին տված հարցազրույցում հայտնել է բազմակողմ հարցերով եւ մարդու իրավունքների գծով Մեքսիկայի արտաքին գործերի փոխնախարար Մարտա Դելգադոն։
«Այս կարգի ներդրումները, որոնք գերազանցում են $5 միլիարդը, հնարավոր չէ կատարել առանց դաշնային կառավարության ուղեկցման, եւ մենք կշարունակենք աջակցությունը։ Այս գործարանը կարտադրի մոտ 1 միլիոն էլեկտրամոբիլ ինչպես ազգային շուկայի, այնպես էլ արտահանման համար»,- ասել է նա։
Նշվում է, որ ձեռնարկությունը կտեղակայվի Մեքսիկայի հյուսիս-արեւելքում՝ ԱՄՆ-ի սահմանին մոտ:
Երկրում Tesla-ի գործարան կառուցելու ծրագրերի մասին փետրվարի 28-ին հայտարարել էր Մեքսիկայի նախագահ Անդրես Մանուել Լոպես Օբրադորը՝ պատմելով ընկերության ղեկավար Իլոն Մասկի հետ ունեցած զրույցի արդյունքների մասին։