Հայաստանի և Թուրքիայի հատուկ ներկայացուցիչների առաջին հանդիպումը Ռուսաստանի մայրաքաղաքում սպասվում է հունվարի 14-ին:
Թուրքիայի նախագահ Ռեջեփ Թայիփ Էրդողանը հաստատել է Սերդար Քըլըչի նշանակումը Հայաստանի հետ հարաբերությունների կարգավորման հարցերով հատուկ ներկայացուցչի պաշտոնում։ Համապատասխան որոշումը, ինչպես հաղորդում է ՌԻԱ Նովոստին, հրապարակվել է Resmi Gazete պաշտոնական պարբերականում:«Հաստատել Սերդար Քըլըչին Հայաստանի հետ հարաբերությունների կարգավորման հարցով Թուրքիայի հատուկ ներկայացուցիչ», – ասվում է փաստաթղթում:
Նշենք, որ նախօրեին հատուկ Քըլըչը հանդիպում է ունեցել Թուրքիայի պաշտպանության նախարար Հուլուսի Աքարի հետ։ԱՄՆ-ում Թուրքիայի նախկին դեսպան Սերդար Քըլըչին հատուկ ներկայացուցիչ նշանակելու մասին հայտնի է դարձել անցյալ տարվա վերջին։
Այս գործընթացում հայկական կողմը ներկայացնելու է ԱԺ փոխնախագահ Ռուբեն Ռուբենյանը:Հայաստանի և Թուրքիայի հատուկ ներկայացուցիչների առաջին հանդիպումը տեղի կունենա հունվարի 14-ին Մոսկվայում: