Meta Platforms Inc-ը նախատեսում է այս շաբաթ սկսել զանգվածային կրճատումներ, որոնք կտարածվեն հազարավոր աշխատակիցների վրա: Ընկերությունը պաշտոնական հայտարարություն կարող է անել արդեն չորեքշաբթի։

Meta ընկերությունը կանխատեսում է զգալիորեն ավելի մեծ ծախսեր հաջորդ տարի, ինչը կնվազեցնի Meta-ի բաժնետոմսերի գինը մոտ 67 միլիարդ դոլարով՝ ավելացնելով այս տարի արդեն կորցրած ավելի քան կես տրիլիոն դոլարը:

Նման վատ կանխատեսումներն արվում են համաշխարհային տնտեսության նվազման, TikTok-ի ուժեղ մրցակցության, Apple-ի կողմից գաղտնիության փոփոխության և մետավերսի վրա հսկայական ծախսերի հետ կապված մտահոգությունների ֆոնին:

Գործադիր տնօրեն Մարկ Ցուկերբերգն ասել է, որ մետավերսում ներդրումները կփոխհատուցվեն մոտ տասը տարի հետո։ Միևնույն ժամանակ նա ստիպված էր դադարեցնել նոր մասնագետների աշխատանքի ընդունումը, փակել նախագծերը և վերակազմավորել թիմերը՝ ծախսերը կրճատելու համար:

Հոկտեմբերի վերջին եկամտի մասին խոսելիս Ցուկերբերգը ասել է, որ 2023 թվականի ներդրումները կկենտրոնացնեն փոքր թվով առաջնահերթ աճի ոլորտների վրա: Սա նշանակում է, որ որոշ թիմեր զգալիորեն կաճեն, բայց մյուս թիմերի մեծ մասը կմնա նույնը կամ կնվազի հաջորդ տարվա ընթացքում:

Ընդհանուր առմամբ, Meta-ում կանխատեսում են, որ մինչև 2023 թվականը կազմակերպությունը կլինի մոտավորապես նույն մեծության կամ նույնիսկ մի ավելի փոքր, քան այժմ: