ԱՄՆ-ում ապահովագրական խոշոր ընկերության ղեկավարի սպանության մեջ կասկածվողը ձերբակալվել է «Մաքդոնալդսում»․ հայտնում է BBC-ին։
Արագ սննդի կետի աշխատակիցը նրան ճանաչել է ոստիկանության տարածած լուսանկարներից: Իր հետ տղամարդն ունեցել է «մի քանի առարկա», որ «կապում են միջադեպի հետ», այդ թվում՝ դիմակ և հրազեն։ Մանջոնեն ձերբակալվել է զենք կրելու հաար։ UnitedHealthcare-ի ղեկավար Բրայան Թոմփսոնի սպանության համար մեղադրանք դեռ չի առաջադրվել:
50-ամյա Բրայան Թոմփսոնը սպանվել է անցյալ չորեքշաբթի Նյու Յորքի կենտրոնում:
Ոստիկանության տվյալներով՝ մարդասպանը Թոմփսոնին սպասել է Hilton հյուրանոցի մոտ, որտեղ տեղի էր ունենում կոնֆերանս և որտեղ պետք է ելույթ ունենար գործարարը: Երբ Թոմփսոնը մոտեցել է հյուրանոցին, կրակոցներ են հնչել։ Նա վիրավորվել է թիկունքից և ոտքից, կյանքը փրկել չի հաջողվել։