ChatGPT-ն թարմացվել է և այժմ հիշում է ձեր բոլոր նամակագրությունները նեյրոցանցի հետ բոլոր զրույցներում։ Այժմ chatbot-ը հիշում է ոչ միայն այդ պահի զրույցի բովանդակությունը, այլև նախորդները. այս մասին հայտնել է OpenAI-ի ղեկավար Սեմ Ալթմանն X-ի իր էջում:

Այժմ AI-ն հիշում է օգտագործողի հետաքրքրությունները, ճաշակները, հարցերը և հաղորդակցման ոճը՝ հարմարվելով դրան: Այն նաև հաշվի է առնում, թե ինչ նպատակով եք օգտագործում բոտը՝ աշխատանք, ուսումնասիրություն կամ ամենօրյա առաջադրանքներ՝ հնարավորինս անհատականացնելով պատասխանները։

Այժմ ChatGPT-ն կարող է հիշել, թե ինչ եք ասել նրան երեկ կամ մեկ շաբաթ առաջ: Օրինակ, եթե chatbot-ին ասեք, որ դուք ալերգիա ունեք գետնանուշից և մեկ ամիս անց խնդրեք ընթրիքի համար աղանդերի բաղադրատոմս կազմել, AI-ն կկազմի այն՝ «իր գլխում» պահելով, որ բաղադրատոմսում գետնանուշ չպետք է լինի։

«Հիշողություն» գործառույթը գտնվում է ChatGPT հավելվածում՝ «Կարգավորումներ» – «Անհատականացում» բաժնում: Հիշողության կառավարման ընտրացանկում կարող եք դիտել, թե ինչ գիտի ChatGPT-ն ձեր մասին և ջնջել անցանկալի հիշողությունները: Բացի այդ, «Հիշողության» գործառույթը կարող է ամբողջությամբ անջատվել, և chatbot-ը ձեզ ամեն անգամ կընկալի որպես նոր օգտվող:

«Հիշողության» բարելավված տարբերակը հասանելի է Plus և Pro բաժանորդագրությունների սեփականատերերին: Team-ի, Enterprise-ի և Edu-ի բաժանորդները մուտք կունենան մինչև ապրիլի վերջ: Գործառույթը ժամանակավորապես չի աշխատի ԵՄ երկրներում, Միացյալ Թագավորությունում, Շվեյցարիայում, Նորվեգիայում, Իսլանդիայում և Լիխտենշտեյնում: