Հայաստանի ազատ ոճի ըմբշամարտի հավաքականի ներկայացուցիչները մեկնարկում են Եվրոպայի առաջնությունում:

Սլովակիայի մայրաքաղաք Բրատիսլավայում ընթացող Եվրոպայի առաջնության մրցումային առաջին օրը Հայաստանի հավաքականն ունի 5 ներկայացուցիչ:

57 կգ քաշային Եվրոպայի քառակի չեմպիոն Արսեն Հարությունյանի մրցակիցը դեռևս հայտնի չէ: Հայ ըմբիշը պայքարը կսկսի քառորդ եզրափակչից:

65 կգ քաշում Վազգեն Թևանյանը 1/8 եզրափակչում կմրցի Միջազգային ֆեդերացիայի դրոշի ներքո հանդես եկող Իսլամ Գուսեյնովի հետ:

70 կգ քաշում Եվրոպայի գործող չեմպիոն Արման Անդրեասյանի մրցակիցը լեհ Մատեուշ Լուշինսկին է:

79 կգ քաշում որակավորման փուլում Հայկ Պապիկյանը կմրցի Ուկրաինան ներկայացնող Վասիլ Միխայլովի հետ:

97 կգ քաշում Գուրգեն Սիմոնյանը որակավորման փուլի արգելքը կփորձի հաղթահարել՝ մրցելով Միջազգային ֆեդերացիայի դրոշի ներքո հանդես եկող Մոգամեդ Կուրբանովի հետ:

Ապրիլի 8-ին պայքարի մեջ կմտնեն 61 կգ, 74 կգ, 86 կգ, 92 կգ և 125 կգ քաշային ըմբիշները: