ԱՄՆ նախագահի հատուկ բանագնաց Սթիվ Ուիթքոֆը հաճախ է մեջբերում ռուսական նարատիվներ, ինչը թուլացնում է Կրեմլի նկատմամբ ԱՄՆ-ի ճնշումը։ Այս մասին հայտարարել է նախագահ Վլադիմիր Զելենսկին Eurovision News-ին տված հարցազրույցում։
Նա ընդգծել է, որ Ուիթքոֆի նման հայտարարությունները «ոչ թե մոտեցնում են խաղաղությանը, այլ հակառակը՝ վնասում են Ուկրաինայի տեղեկատվական աջակցությանը»։
«Ես կարծում եմ, որ Ուիթքոֆը իսկապես շատ հաճախ է մեջբերում կրեմլյան նարատիվները։ Դա, ցավոք, չի մոտեցնի մեզ խաղաղությանը։ Դա կթուլացնի ամերիկացիների ճնշումը Ռուսաստանի Դաշնության վրա, և մենք կարող ենք միայն մեր գործողություններով շտկել այս տեղեկատվական դաշտը, մենք փորձում ենք դա անել», – ասել է Զելենսկին։
Նախագահի խոսքով, նման հայտարարությունները կեղծ տպավորություն են ստեղծում ամերիկյան լսարանի շրջանում և կարող են ազդել ԱՄՆ վարչակազմի դիրքորոշման վրա։
«Ես միշտ ասել եմ նախագահ Թրամփին՝ ես ուզում եմ, որ ամերիկացիները մեր կողքին լինեն։ Նույնիսկ եթե Ամերիկան որոշել է լինել մեջտեղում, դա պետք է լինի իսկապես մեջտեղում, այլ ոչ թե Կրեմլին մոտ», – ընդգծել է Զելենսկին։