Ֆրանսիայում ՀՀ դեսպան Արման Խաչատրյանը հանդիպել է Լուվրի թանգարանի նախագահ-տնօրեն Լորանս դե Կարի հետ։
Հանդիպման ընթացքում անդրադարձ է կատարվել մշակույթի ոլորտում Ֆրանսիայի և Հայաստանի միջև հաստատված համագործակցությանը։
Զրուցակիցները քննարկել են մասնավորապես Լուվրի Արևելքի անտիկ շրջանի դեպարտամենտի, ինչպես նաև Բյուզանդական և Արևելքի քրիստոնյաների ժառանգությանը նվիրված առաջիկա տարիներին ստեղծվելիք դեպարտամենտի և Հայաստանի պատմության թանգարանի միջև իրականացվող ընթացիկ նախաձեռնությունները։