Եմենի հյուսիսում իշխող շիա ռազմաքաղաքական «Անսար Ալլահ» շարժումը (հութիներ) հայտարարել է, որ Պաղեստին-2 հիպերձայնային հրթիռով հարված է հասցրել Թել Ավիվում ռազմական թիրախին։
«Հրթիռային ուժերը Պաղեստին 2 հիպերձայնային հրթիռ են արձակել օկուպացված Յաֆայում (Թել Ավիվ – խմբ.) Հիպերձայնային հրթիռը ճշգրիտ հարվածել է թիրախին, և հակառակորդի համակարգերը չեն կարողացել որսալ այն», – ասվում է հայտարարության մեջ:
Times of Israel-ն էլ հայտնում է, որ հրթիռային հարձակման հետևանքով 16 անձ թեթև վնասվածքներ է ստացել։