Gooding & Company առևտրային հարթակում վաճառքի է հանվել 1962 թվականի Ferrari 250 GT SWB California Spider-ը, որը կարճ սակարկություններից հետո վաճառվել է կլորիկ գումարով։

1962 թվականի հազվագյուտ 250 GT SWB California Spider-ը վաճառվել է Ֆլորիդայում անցկացվող կոլեկցիոն մեքենաների շաբաթվա ընթացքում՝ 18,040,000 դոլարով: Սա մեկն է այն 37 փակ լուսարձակներով մեքենաներից, որոնք ստեղծվել են 1960-1963 թվականներին։ Այս մոդելն առանձնանում է յուրահատուկ Azzurro Metallizzato ներկով և Naturale կաշվե սրահով:

Մեքենան 1962 թվականին թողարկվել էր հատուկ Նյու Յորքի միջազգային ավտոսրահի և միայն հյուսիսամերիկյան շուկայի համար։ Մոդելը նախատեսված էր լրացուցիչ գումար ունեցող երիտասարդ էնտուզիաստների համար, ովքեր ցանկանում էին սպորտային մեքենա ունենալ, որով նրանք կարող էին շաբաթվա ընթացքում աշխատանքի գնալ, իսկ հանգստյան օրերին՝ մրցել:

Մեքենան վերջին անգամ գնվել է 1971 թվականին Լոս Անջելեսում՝ 2400 դոլարով, Ferrari-ի էնտուզիաստներ՝ Չարլզ Բեթցի և Ֆրեդ Փիթերսի կողմից: