Meta-ն ծրագրում է մոտ օրերս ազատել հազարավոր աշխատակիցների, հայտնում է Bloomberg-ը՝ հղում անելով աղբյուրներին։
Աշխատակիցների կրճատման այս փուլը, ըստ աղբյուրների, կարող է ավարտվել հաջորդ շաբաթ։ Նրանք, ովքեր աշխատում են այս ուղղությամբ, հուսով են, որ պլանը պատրաստ կլինի նախքան գործադիր տնօրեն Մարկ Ցուկերբերգի ծնողական արձակուրդ գնալը՝ իր երրորդ երեխային խնամելու համար, հայտնել է Bloomberg-ի աղբյուրներից մեկը:
Կրճատումների այս փուլը պայմանավորված է ֆինանսական խնդիրներով և գովազդատուների բյուջեի կրճատմամբ: Meta-ի խոսնակը հրաժարվել է մեկնաբանել այս լուրը:
Նշվում է, որ ընկերության բաժնետոմսերը երեքշաբթի օրը Նյու Յորքի նախնական շուկայական առուվաճառքում աճել են 1,6 %-ով՝ հասնելով 187,9 դոլարի:
Meta-ն մենեջերներին խնդրել է այլ աշխատանք կատարել կամ լքել ընկերությունը
Աշխարհի ամենամեծ սոցիալական ցանցը 2022 թվականի աշնանից դադարեցրել է աշխատանքի դիմումների ընդունումը և սկսել նվազագույնի հասցնել ծախսերը։ Անցյալ նոյեմբերին Meta-ն զանգվածային կրճատումներ է իրականացրել: Ըստ Bloomberg-ի՝ կրճատումների նոր փուլը, ի տարբերություն նոյեմբերյանի, անակնկալ չի եղել աշխատողների համար։