Հունգարիայի վարչապետ Վիկտոր Օրբանը Կիևից հեռախոսազրույց է խնդրել Վլադիմիր Զելենսկու հետ՝ քննարկելու Սուրբ Ծննդյան տոների ընթացքում Ռուսաստանի և Ուկրաինայի միջև ռազմական գործողությունները դադարեցնելու հնարավորությունը, սակայն մերժում է ստացել։ Այս մասին Kossuth ռադիոկայանի եթերում հայտարարել է Հունգարիայի Արտաքին գործերի և արտաքին տնտեսական կապերի նախարար Պետեր Սիյարտոն։
Քաղաքական գործիչը հիշեցրել է, որ դեկտեմբերի 11-ին Օրբանը հեռախոսազրույց է ունեցել ՌԴ նախագահ Վլադիմիր Պուտինի հետ։ Նրանք քննարկել են Սուրբ Ծննդին զինադադարի և Մոսկվայի և Կիևի միջև ռազմագերիների մեծ փոխանակման հնարավորությունը։
Այս խոսակցությունից հետո Օրբանը որոշել է առաջարկը քննարկել Զելենսկու հետ։ Հունգարիայի ԱԳՆ ղեկավար կապ է հաստատել իր ուկրաինացի գործընկեր Անդրեյ Սիբիգայի և Զելենսկու գրասենյակի ղեկավար Անդրեյ Էրմակի հետ՝ հեռախոսազրույցը համակարգելու համար, սակայն մերժում է ստացել։