Պենտագոնը որոշել է արագացնել Ուկրաինային երկու առաջադեմ NASAMS զենիթահրթիռային համակարգերի տրամադրումը։ Խոսքն այն համակարգերի մասին է, որոնք պաշտպանում են Վաշինգտոնը։ Դրանց օգնությամբ Կիևը կկարողանա դիմակայել Ռուսաստանի կողմից իրանական կամիկաձե անօդաչու թռչող սարքերի հարձակումներին, գրում է CNN-ը։

Ընդհանուր առմամբ, ԱՄՆ պաշտպանության նախարարությունը համաձայնություն է տվել NASAMS-ի ութ կայանքների մատակարարմանը, այդ թվում՝ երկու առաջադեմ կայանքի: Վաշինգտոնը խոստացել էր հուլիսի 1-ին ուղարկել երկու համալիր: Սակայն այժմ ամերիկյան Raytheon ընկերությունը, նորվեգական Kongsberg Defense and Aerospace-ի հետ համագործակցելով, NASAMS համակարգեր է արտադրում Ուկրաինայի համար և հույս ունի ավարտել երկու համակարգերի արտադրությունը մինչև հոկտեմբերի վերջ՝ նոյեմբերի սկիզբ: Դրանից հետո որոշ ժամանակ կպահանջվի առաքման համար:

Ըստ CNN-ի հետախուզական տվյալներին ծանոթ աղբյուրների՝ Ռուսաստանը սպառում է ճշգրիտ կառավարվող զինամթերքը և կարող է սպառել իր ռազմավարական պաշարները՝ պատերազմը շարունակելու համար: Միևնույն ժամանակ, Ռուսաստանը դեռևս ունի շատ ավելի քիչ ճշգրիտ խորհրդային զինատեսակներ, որոնցով կարող է հարվածել Ուկրաինային։