Փաստաբանները միջնորդություն են ներկայացրել ՀՀ նախկին նախագահ Ռոբերտ Քոչարյանի դեմ հարուցված քրեական գործը կարճելու վերաբերյալ:
Ինչպես դատական նիստում հայտնեց փաստաբան Արամ Օրբելյանը, նախկին նախագահը մեղադրվում է Հայաստանի հին քրեական օրենսգրքով, որն ուժի մեջ է մտել 2003 թվականի օգոստոսի 1-ին և ուժը կորցրել է 2022 թվականի հուլիսի 1-ին:
Հիշեցնենք, որ ՀՀ նախկին նախագահ Ռոբերտ Քոչարյանն ու նախկին փոխվարչապետ Արմեն Գևորգյանը որպես մեղադրյալ են անցնում մեկ քրեական գործի շրջանակներում։ Քոչարյանին մեղադրում են առանձնապես խոշոր չափի կաշառք ստանալու, իսկ Գևորգյանին՝ փողերի լվացման մեջ։