Մոսկվան անուղղակի հիմքեր ունի ենթադրելու, որ «ամեն ինչ արված է» տեքստային հաղորդագրությունը, որը նախկին վարչապետ Լիզ Թրասը կարող էր ուղարկել ԱՄՆ պետքարտուղար Էնթոնի Բլինքենին, վերաբերում էր «Հյուսիսային հոսք» և «Հյուսիսային հոսք 2» գազատարներում տեղի ունեցած ահաբեկչությանը: Այս մասին այսօր հայտարարել է ՌԴ Արտաքին հետախուզության ծառայության տնօրեն Սերգեյ Նարիշկինը։
«Ես միայն անուղղակի հաստատում ունեմ, որ այս ամենը հիմք ունի»,- ասել է նա «Ռոսիա-1» հեռուստաալիքի եթերում։
Խոսելով արևմտյան գործընկերներից ունեցած ակնկալիքների մասին՝ նա նշել է, որ ռուսներից պետք է զգոն լինել, իսկ երկրի հատուկ ծառայությունները, այդ թվում՝ Արտաքին հետախուզական ծառայությունը, պետք է շարունակեն բացահայտել և կանխել պետության և քաղաքացիների դեմ ուղղված ցանկացած սպառնալիք։
Ավելի վաղ՝ նոյեմբերի 1-ին, Megaupload-ի հիմնադիր Քիմ Դոտքոմը հայտնել էր, որ Թրասը կարող էր SMS ուղարկած լինել«ամեն ինչ արված է» տեքստով գազատարների վար հարձակումներից մեկ րոպե անց։ Նրա խոսքով՝ դրա համար նախկին վարչապետն օգտագործել է իր iPhone-ը։ Նա պնդում է, որ այսպես «ռուսներն իմացան, որ Բրիտանիան ԱՄՆ-ի հետ միասին պայթեցրել է «Հյուսիսային հոսք» խողովակաշարերը»։