Վլադիմիր Զելենսկին ասել է, որ հեռախոսազույց է ունեցել Ֆրանսիայի նախագահ Էմանուել Մակրոնի հետ և ասել, որ կան կոնկրետ որոշումներ՝ ուժեղացնելու Ուկրաինայի պաշտպանունակությունը և առաջարկներ՝ վերականգնելու էներգետիկ ենթակառուցվածքը։
«Չափազանց կարևոր և արդյունավետ զրույց Ֆրանսիայի նախագահ Էմանուել Մակրոնի հետ։ Կոնկրետ որոշումներ՝ ուժեղացնելու Ուկրաինայի պաշտպանունակությունը։ Կոնկրետ նախաձեռնություններ՝ վերականգնելու ավերված էներգետիկ ենթակառուցվածքը։ Շնորհակալություն, իմ բարեկամ, ձեր անողոք աջակցության համար», – գրել է Զելենսկին Twitter-ում։
Ռուսաստանի զինված ուժերի ուկրաինական ենթակառուցվածքի վրա հարձակումները սկսվել են հոկտեմբերի 10-ին՝ Ղրիմի կամրջի վրա տեղի ունեցած ահաբեկչությունից երկու օր անց, որի հետևում, ըստ Ռուսաստանի իշխանությունների, կանգնած են ուկրաինական հատուկ ծառայությունները։ Հարվածները հասցվում են ողջ երկրի էներգետիկայի, պաշտպանության, ռազմական հրամանատարության և կապի օբյեկտներին՝ առաջացնելով էլեկտրաէներգիայի լայնածավալ անջատումներ։