Պետք է արձանագրել, որ Լևոն Տեր-Պետրոսյանը հայ ժողովրդի համար այս ճակատագրական փուլում մեկ անգամ ևս վերահաստատեց երկիրը կապիտուլյացիայի տանելու իր նախկին մոտեցումները, մամուլի ասուլիսին հայտարարեց ՀՅԴ ԳՄ ներկայացուցիչ, ԱԺ փոխնախագահ Իշխան Սաղաթելյանը՝ անդրադառնալով ՀՀ նախկին նախագահների հանդիպմանը։
«Իհարկե, իրենք անընդհատ փորձում են տարանջատվել Նիկոլից, բայց այն գաղափարախոսությունն ու գործողությունները, որ անում են, մեկ անգամ ևս փաստեցին», – ասաց Սաղաթելյանը։
Արդյո՞ք նոր հանդիպում տեղի կունենա՝ Իշխան Սաղաթելյանն ասել չի կարող․«Բայց ակնկալիքները կան և դա բնական է»։