Բրազիլիայի նախագահ Ժաիր Բոլսոնարուն, իմանալով, որ մրցակիցը հաղթել է նախագահական ընտրություններում, հրաժարվել է շփվել նախարարների հետ և պառկել է քնելու։ Այդ մասին նրա հետ կապ հաստատել փորձող կառավարության անդամներին հայտնել է նրա ադյուտանտը։
Ինչպես պարզաբանել են «Folha di São Paulo» թերթի աղբյուրները՝ կեսօրը քաղաքական գործիչն անցկացրել է ավագ որդու՝ սենատոր Ֆլավիո Բոլսոնարոյի ընկերակցությամբ, ով համակարգում էր նրա նախընտրական քարոզարշավը։ Նա հրաժարվել է նախարարների հետ հեռախոսով խոսել կամ ընդունել նրանց։ Ընտրություններից հետո պետության ղեկավարի հետ շփման մասին խոսել է միայն երկրի ԿԸՀ ղեկավար Ալեքսանդր դե Մորաիսը։ Նա բացատրել է, որ զանգահարել է Բոլսոնարույին և որ նա «չափազանց քաղաքավարի» է եղել զրույցի ժամանակ։
Ավելի վաղ հայտնի էր դարձել, որ Բրազիլիայի նախագահական ընտրություններում հաղթել է Լուլա դա Սիլվան։ Նա երկու միլիոն ձայնով առաջ է անցել իր մրցակից Ժաիր Բոլսոնարուին։ Պետության նոր ղեկավարը փորձառու սոցիալիստ քաղաքական գործիչ է։ Նա արդեն ղեկավարել է երկիրը, ընդ որում՝ երկու ժամկետ անընդմեջ։