ՀՀ տարածքային կառավարման եւ ենթակառուցվածքների նախարար Գնել Սանոսյանն ընդունել է ԵԱՏՄ Կոլեգիայի անդամ – էներգետիկայի եւ ենթակառուցվածքների գծով նախարար Արզիբեկ Կոժոշեւի գլխավորած պատվիրակությանը։
Նախարարությունից հայտնել են, որ հանդիպման ժամանակ քննարկվել է Եվրասիական տնտեսական հանձնաժողովի հետ իրականացվող աշխատանքների ընթացքը, մասնավորապես, ԵԱՏՄ էլեկտրաէներգետիկական եւ գազի ընդհանուր շուկաների ձեւավորման աշխատանքների ընթացքը։
Նշվել է, որ 2025թ․-ից ԵԱՏՄ էլեկտրաէներգետիկական եւ գազի ընդհանուր շուկաների գործարկումը անդամ երկրների հնարավորություն կընձեռի ավելի բարենպաստ եւ փոխշահավետ պայմաններով իրականացնելու էլեկտրաէներգիայի եւ գազի առեւտուր։
Հանդիպմանը կարեւորվել է այդ նպատակով առաջիկա ժամանակահատվածում իրավական դաշտի մշակման աշխատանքները նախանշված ժամկետներում իրականացնելու անհրաժեշտությունը։