Ռուսաստանի համար անիմաստ է պահպանել իր նախկին դիվանագիտական ներկայությունը արևմտյան երկրներում, այս առումով անհրաժեշտ է անցնել այլոց հետ աշխատանքի։ Համապատասխան հայտարարությամբ հանդես է եկել Ռուսաստանի Դաշնության արտաքին գործերի նախարար Սերգեյ Լավրովը։
Նա նշել է, որ այն պայմանները, որոնցում աշխատում են ռուս դիվանագետները Արևմուտքում, չի կարելի անվանել մարդկային. դիվանագիտական ներկայացուցչությունների աշխատակիցները մշտապես բախվում են խնդիրների, ինչպես նաև ֆիզիկական հարձակումների սպառնալիքների։
«Գլխավորն այն է, որ այնտեղ աշխատանք չկա այն ժամանակից ի վեր, ինչ Եվրոպան որոշեց փակվել մեզանից և դադարեցնել ցանկացած տնտեսական համագործակցություն»,- ասել է Լավրովը։