Պրոթեզներ արտադրող «Motorika» ընկերությունը հայտարարել է 900 մլն ռուբլու չափով ներդրումների ներգրավման մասին։ Այս մասին նշված է ընկերության մամուլի հաղորդագրության մեջ, – գրում է РБК-ն։

Ներդրողի անունը և գործարքի պայմանները չեն հաղորդվում։ Նշվում է միայն, որ միջոցները կօգտագործվեն սարքերի և օգտատերերի համար թվային էկոհամակարգ ստեղծելու և ծառայությունները զարգացնելու համար։

Motorika-ն հիմնադրվել է 2014 թվականին և 2019-2020 թվականներին կարողացել է հավաքել է 400 մլն ռուբլու չափով ներդրումներ: Սկզբում նա մասնագիտացել է միայն երեխաների ձեռքերի պրոթեզավորման մեջ։

Այս տարի Motorika-ն նախատեսում է սկսել ոտքերի պրոթեզային արտադրություն և սկսել նեյրոստիմուլյատորների վաճառքը (սարքեր, որոնք տեղադրվում են մաշկի տակ և առաջացնում են էլեկտրական իմպուլսներ նյարդերի ու մկանների աշխատանքը խթանելու համար):

Հունիսին ընկերությունը պայմանագիր է կնքել Ռուսաստանի նյարդատեխնոլոգիայի դաշնային կենտրոնի հետ՝ ստեղծելու Կիբեռնետիկ բժշկության և նեյրոպրոթեզավորման կենտրոն:

Նշվում է, որ Motorika-ի եկամուտն անցյալ տարի աճել է ավելի քան երեք անգամ՝ մինչև 1.9 մլրդ ռուբլի, իսկ զուտ շահույթն աճել է ավելի քան յոթ անգամ՝ մինչև 636 մլն ռուբլի: