Ռուսաստանում Bank of China-ի դուստր ձեռնարկությունը, որը մասնագիտացած է Ռուսաստանի և Չինաստանի միջև յուանով վճարումներ կատարելու հարցում, կասեցրել է գործունեությունը պատժամիջոցների ենթարկված ռուսական բանկերի հետ, – գրում է Gazeta.ru-ն՝ հղում անելով Коммерсант թերթի աղբյուրներին:

Միաժամանակ բանկից նշել են, որ կշարունակեն համագործակցությունը այլ գործընկերների հետ։ Բանկի կայքում հրապարակված տեղեկատվության համաձայն՝ բանկը կշարունակի աշխատել չարտոնված վարկային հաստատությունների հետ:

Նշվում է, որ Bank of China-ին բաժին է ընկնում Չինաստանի և Ռուսաստանի միջև վճարումների զգալի մասը, սակայն ներկայումս այդ գործընթացը գնալով տեղափոխվում է ոչ բանկային միջնորդների դաշտ: Bank of China-ի ներկայացուցիչները հարցի շուրջ որևէ մեկնաբանություն չեն տվել։

Մի քանի աղբյուրներ, որոնց հետ զրուցել է Коммерсант թերթը, կարծում են, որ այս որոշումը պայմանավորված է երկրորդական պատժամիջոցների մտավախությամբ։ Bank of China-ի դերը բանկային վճարումների տրաֆիկում նշանակալի է և ավանդական:

«Հունիսի 24-ից Bank of China-ն կդադարեցնի յուանով վճարումները ռուսական բանկերից, որոնք ներառված են ամերիկյան պատժամիջոցների ցուցակում։ Չինական բանկերը սահմանափակել են Ռուսաստանի հետ գործարքները, սակայն, համագործակցությունը գործընկերների հետ, որոնք չեն ենթարկվում ԱՄՆ պատժամիջոցներին, կշարունակվի»,- գրում է պարբերականը: