ՀՀ պետական եկամուտների կոմիտեի (ՊԵԿ) նախագահ Ռուստամ Բադասյանը Լիտվայի Հանրապետության արտակարգ եւ լիազոր դեսպան Ինգա Ստանիտե-Տոլոչկիենեի հետ հանդիպմանը քննարկել է հարկային եւ մաքսային վարչարարության ոլորտներում երկկողմ գործակցությանն առնչվող հարցեր:
Բադասյանը դեսպանին է ներկայացրել ՊԵԿ բարեփոխումների օրակարգը: Հանդիպմանը երկկողմ կարեւորվել է վերջին տարիների ընթացքում իրականացվող մեծածավալ բարեփոխումները՝ պետություն-տնտեսվարող հարաբերությունները նոր մակարդակի հասցնելու տեսանկյունից:
ՊԵԿ-ից հայտնում են, որ Բադասյանը բարձր է գնահատել ԵՄ գործիքների շնորհիվ Լիտվայի գործընկերների մասնակցությամբ ցուցաբերված տեխնիկական աջակցության արդյունքները եւ կարեւորել դրանց շարունակականության ապահովումը: