Հայաստանի եւ Վրաստանի միջեւ ապրանքաշրջանառությունը 2022 թվականի առաջին կիսամյակում կազմել է $478 միլիոն։
Ինչպես հաղորդում է «Նովոստի-Գրուզիա»-ն՝ վկայակոչելով Ազգային վիճակագրական ծառայությունը, ապրանքաշրջանառության աճը նախորդ տարվա նույն ժամանակահատվածի համեմատ կազմել է 43%։
Վրաստանի հիմնական առեւտրային գործընկերը Թուրքիան է, որի հետ առաջին կիսամյակում ապրանքաշրջանառությունը կազմել է $1,3 միլիարդ։ Երկրորդ տեղում Ռուսաստանն է՝ $962 միլիոն:
Վրաստանի եւ Ադրբեջանի միջեւ ապրանքաշրջանառությունը 2022 թվականի առաջին կիսամյակում կազմել է $632 միլիոն։