Ակբա բանկն առաջինը Հայաստանում մեկնարկում է Չինաստանի խոշորագույն UnionPay International վճարային համակարգի UnionPay Gold եւ UnionPay Business միջազգային քարտերի թողարկումը։
UnionPay International-ի քարտերով այժմ վճարումներ են կատարվում աշխարհի 183 երկրում, որոնցից շուրջ 100-ում նաեւ թողարկվում է UnionPay-ի քարտերը: Ակբա բանկի եւ UnionPay International-ի համագործակցության արդյունքում Հայաստանը եւս համալրել է այդ երկրների ցանկը:
Ակբա բանկը UnionPay International-ի քարտերը տրամադրում է ռեզիդենտ եւ ոչ ռեզիդենտ ֆիզիկական եւ իրավաբանական անձանց։
Բանկից հայտնել են, որ UnionPay Gold եւ UnionPay Business քարտերի նախավաճառքը մեկնարկում է մայիսի 7-ից, իսկ մինչեւ հունիսի 7-ը պատվիրելու դեպքում քարտերի տարեկան սպասարկումը մեկ տարի անվճար կլինի։
UnionPay Gold եւ UnionPay Business միջազգային քարտերի առավելություններն են.
• Վճարումների եւ կանխիկացումների կատարում ամբողջ աշխարհում,
• Վարկային գծի հնարավորություն,
• Այլ վճարային համակարգի քարտին՝ որպես լրացուցիչ քարտ կցելու հնարավորություն,
• Քարտի պատվիրման հնարավորություն՝ acba digital հավելվածի միջոցով,
• ՀՀ ամբողջ տարածքում քարտի ստացում՝ անվճար առաքման միջոցով։
Բանկը վերահսկվում է ՀՀ ԿԲ կողմից: